Wadamo badan oo ka baxsan Midowga Yurub ayaa ku biiray nidaamka shahaadada dhijitaalka ah ee Corona ee ka socda Midowga Yurub. Waddamadii ugu dambeeyay ee ku biiray waxaa ka mid ah Tunisia, Urugauy, Montenegro, Thailand, Taiwan iyo Tunisia.
Wadar ahaan, shahaada ayaa ansax u ah gelitaanka 60 waddan oo adduunka ah. Marka laga reebo 27-ka waddan ee xubnaha ka ah EU, 33 waddan oo aan EU ka mid ahayn ayaa ku biiray nidaamka. Tani waxay ka dhigan tahay in shahaadooyinka wadajirka ah ee laga bixiyo Iswidhan ay oggolaadaan in lagu galo dhowr waddan oo ka baxsan midowga, oo ay ku jiraan 4 waddan oo Carab ah : Lubnaan, Tunisia, UAE iyo Morocco, marka lagu daro Turkiga. Sida laga soo xigtay mareegaha maamulka caafimaadka dadweynaha.
Dadka haysta shahaadooyinka tallaalka ee dalalkan waxay sidoo kale soo geli karaan Iswiidhan, oo ay ka qayb qaadan karaan isu imaatinka dadweynaha ee u baahan shahaadada corona si ay u soo galaan. Shahaadada koronadu waxa ay u qaybsantaa saddex nooc oo kala ah: shahaado talaal oo caddaynaysa in uu qofku qaatay tallaalka corona, shahaado baadhista taban oo muujinaysa in qofku aanu hadda qabin xanuunka corona, iyo shahaado soo kabasho oo xaqiijinaysa in uu qofku qaaday.
Si kastaba ha ahaatee shuruudaha gelitaanka dalka qofku u safrayo waa in la hubiyo. Tan waxaa lagu samayn karaa bogga internetka ee Iswiidhan dibadda .
Liiska wadamada isticmaala nidaamka shahaado Corona Yurub ee ka baxsan Midowga Yurub waxaa ka mid ah : Albania, Andorra, Armenia, El Salvador, Faroe Islands, United Arab Emirates, Georgia, Iceland, Israel, Cape Verde, Lebanon, Liechtenstein, Morocco, Moldova , Maamulka Monaco , Montenegro, Macedonia, Norway, New Zealand, Panama, San Marino, Switzerland, Serbia, Singapore, United Kingdom, Taiwan, Thailand, Togo, Turkey, Tunisia, Ukraine, Uruguay, Vatican.
