Magaalada Stockholm ayaa 102 milyan karoon ku bixineysa dugsiyada hoose ee magaalada. Ku dhawaaqistan ayaa timid ka dib markii ay mudaharaad sameeyeen shaqaalaha dugsiga iyo waalidiinta oo dalbanayay lacag dheeraad ah oo loogu talagalay dugsiga.
Ururka macalimiinta Sweden ayaa bishii March sheegay in rubac bilyan kaliya ay ka maqan yihiin dugsiyada hoose dhexe ee Stockholm si loo ilaaliyo heerka hadda taagan.
Stockholm, waxaan hadda si qoto dheer u furtay khasnadaha si aan awood ugu yeelanno inaan u qoondeyno 102 milyan oo karoon kale dugsiyadeena,” ayay tiri Karin Wanngård (S) oo ka tirsan golaha dhaqaalaha oo war-saxaafadeed soo saartay.
25 ka mid ah wadarta 102 milyan ee lagu daray waxa loo qoondayn doonaa dugsiyo madax-bannaan, iyo sidoo kale kuwa macaash ka sameeya. Tan waxa u sabab ah qaabaynta sharciga dugsiga.
