Sida laga soo xigtay militariga Kuuriyada Koonfureed, gantaalka ayaa lala beegsaday biyaha bariga xeebaha Kuuriyada Koonfureed. 

Waxaa la sheegay in la riday gantaalka saacado yar kadib markii Kuuriyada Koonfureed iyo Mareykanka ay soo afjareen dhoolatus ciidan oo ay si wadajir ah u sameynayeen.

Kani wuxuu ahaa wareeggii lixaad ee tijaabada gantaallada ee Kuuriyada Waqooyi ay sameyso laba toddobaad gudahood.

Xiisad ayaa ka dhex jirtay dalalka dhaca Asia. Khamiistii, Kuuriyada Waqooyi ayaa riday laba gantaal, sida ay sheegeen saraakiisha guud ee Kuuriyada Koonfureed. 

Talaadadii toddobaadkan, Kuuriyada Waqooyi ayaa sidoo kale gantaal ku ridday Japan markii ugu horreysay muddo shan sano ah.