Hoggaamiyaha xisbiga Sverigedemokraterna (SD) Jimmy Okesson ayaa sheegay in Sweden ay u baahan tahay isbedel lagu sameeyo dhowr arrimood oo dhibaato u keenaya bulshada, isaga oo tixgalinaya in aysan caqli-gal ahayn in damiir ahaan ay tahay in la sii wado “lacagta lagu tuuro” muwaadiniinta dalalka kale ku sugan.
Doodii maanta ee hogaamiyayaasha xisbiyada baarlamaanka, Jimmie Åkesson ayaa intaas ku daray in dalka uu wajahayo dhibaatooyin baaxad leh, ayna dowladda iyo xisbiga SD ka go’an tahay inay wax ka qabtaan.
Jimmie Åkesson wuxuu rumaysnaa in xaaladda dhaqaale ee adag ay qayb ahaan sabab u tahay dagaalka Ukraine, laakiin sidoo kale sababtoo ah “siyaasadaha aan mas’uuliyadda lahayn ee ay raacaan dawladaha midigta iyo bidixda tobankii sano ee la soo dhaafay.”
“Hadda waxaan haysanaa dhibaatooyin aad u weyn, laakiin dawladda cusub iyo SD waxay leeyihiin go’aan ah inay wax ka qabtaan. Waxaanu nahay afar xisbi oo ay naga go’an tahay in ay jihadaas beddelaan.”
“Waxaa jiri doona isbedel ku yimaada siyaasadda socdaalka. Iswiidhan waxay ka guuraysaa mas’uuliyad darro iyo dan la’aan waxayna u guuraysaa nidaam iyo siyaasad macquul ah.”
“Inta aan haysano dad iswidhish ah oo ku dhimanaya safafka iyagoo sugaya daryeelka, inta aan haysano dad waayeel ah oo lagu qasbay in ay ka baxaan guryahooda, sababtoo ah ma bixin karaan biilka korontada, iyo inta aan haysano dad lagu toogtay waddooyinka. waa mid aan caqli gal ahayn in la sii wado lacagta lagu tuurayo wadamada kale iyo muwaadiniinta wadamada kale
