Dowladda Finland ayaa muwaadin asalkiisa Soomaaliya yahay usoo magacawday in uu noqdo argeyga gaarka ah ee u qaabilsanaan doona arrimaha nabadda iyo dhax dhaxaadinta geeska Afrika.

War kasoo baxay wasaaradda arrimaha dibadda dowladda Findland ayaa Suldaan Saciid Axmed loogu magacaabay in uu noqdo ergayga gaarka ah ee arrimaha nabadda iyo dhex dhexaadinta geeska Africa oo xiisado siyaasadeed xilligan ka jiraan.

Mudane Suldaan Saciid Axmed ayaa horay u soo noqday xildhibaan ka tirsan baarlamaanka Finland iyo ergayga gaarka ah ee wasiirka arrimaha dibedda Finland u qaabbilsan nabadda iyo dhexdhexaadinta geeska Afrika.

Ergaygan oo wadahadalada khabiir ku ah ayaa la filayaa in durba shaqada dowladda Finland u xil saartay ka bilaabo geeska Afrika, waxa ayna magacaabistiisa imaaneysa xilli xiisad siyaasadeed u dhaxeyso dowladaha Soomaaliya iyo Itoobiya.