Danmark ayaa hadda soo bandhigtay tallaabooyin cusub oo wax looga qabanayo dembiyada . Iyadoo la raacayo tilaabada afaraad ee loogu yeero “xirmo ganggiska” – xirmo tallaabooyin ah oo ka dhan ah burcada.
waddanku wuxuu rajeynayaa inuu ka hortago dhalinyarada inay ku biiraan shabakadaha dambiyada. Samirkii aan u haysanay dambiyada burcadda waa dhammaaday, ayuu yiri wasiirka cadaaladda Mattias Tesfaye (S).
Xirmada cusub waxaa ka mid ah, waxyaabo kale, soo jeedinno ah in laga dhigo dembi in carruurta iyo dhallinyarada ku lug yeesho dembiyada, tusaale ahaan, la-talin, waano ama bixinta qalabka.
Soo jeedin kale ayaa ah in degmooyinku ay shaqo gaar ah siiyaan dhalinyarada da’doodu u dhaxayso 13-17 jir ee ku dhiirada inay joojiyaan dambiyada si ay u helaan lacag jeebka ah.
Dawladdu waxay kaloo doonaysaa inay kordhiso ciqaabta dembiyada oo dhoor ah.
– Waxaa jirta baahi guud oo ah in la adkeeyo ciqaabta marka ay timaado dembiga dadka khatar gelinaya. Danmark waxay u baahan tahay dib u habayn ciqaabeed, ayay tidhi raisal wasaare Mette Frederiksen (S) oo shir jaraa’id qabatay.
Wasiirka cadaalada Mattias Tesfaye ayaa xusay in dulqaadkii ay u hayeen kooxaha burcadda ah uu ka dhamaaday.
“Ma aha khaladka bulshada inay doorteen rabshado iyo burcad,” ayuu yidhi.
