Marxuum la oran jirey Siid Cali Maxamed oo 16-jir ah ayaa waxaa uu u geeriyooday dhaawac Tooreey oo lagu dhuftay Isbuucii hore, isago odhowr maalmood ku jiray Isbitaalka, isagoo miyir beelsanaa ama Koma ku jiray.
Boliska dalkaasi ayaa sheegay inay qabteen 2 qof o olagu tuhunsan yahay inay ka dambeeyeen falkaasi oo ka dhacay magaalladda Birmingham ee dalkaasi.
Marxuumka geeriyooday waxay isaga iyo qoyskiisa u qaxeen dalka Britain si ay nolol fiican uga helaan.
Dhinaca kale, wiil 16-jir ah iyo haweeney 18-jir ah oo ku eedeysan inay ka dambeeyeen dilka Marxuum Siid-Cali Maxamed ayaa la soo taagay Maxkamadda Birmingham, wuxuuna Garsooruhu amray in Xabsiga lagu sii hayo, waxaana dacwadooda dib loo la dhegeysan doonaa bisha soo socota ee Maarso 18-da.
Wararka kale ee naga soo gaarayo dalka Britain waxay sheegayaan inay Boliska heleen maydka nin Somali ah ka heleen hoygiisa oo ku yaallo Galbeedka Degmadda Hull ee Gobalka Yorkshire.
Marxuumka maydkiisa la helay waxaa magaciisa lagu sheegay DAAHIR BAYGAS DIIRIYE, waana 60-jir, ilaa haddana boliska Britain waxay la’ yihiin qaraabadisia ama cid aqoonsata, iyagoo sheegay inuu goor dhow u soo wareegay Degmadda Hull.
