Dhawr qarax oo xooggan ayaa ka dhacay Kyiv habeenimadii xalay. Ma cadda baaxadda khasaaraha Qaraxyada. Sidoo kale digniinda diyaaradaha ayaa laga soo sheegay dhowr magaalo oo kale oo Ukraine ah.

Abbaaraha 1.30 wakhtiga maxaliga ah , ayaa wargays madax banaan oo Kyiv ah ayaa bartiisa twitterka soo dhigay in qaylo dhaanta diyaarada ay dhacday, waxaana daqiiqado ka dib soo baxay warkii ugu horeeyay ee qarax xoogan. Kadib, waxaa la maqlay qaraxyo dhowr ah, oo ay ku jiraan labo meel u dhow saldhigga tareenka ee Druzhby Narodiv.

Wariye ka tirsan CBS oo Mareykan ah ayaa bartiisa twitterka ku soo qoray in “laba ka mid ah qaraxyadii ugu waaweynaa ee aan abid la kulmo” ay ka dhaceen Kyiv.

Wakaalada wararka ee Jarmalka ee DPA ayaa sidoo kale sheegtay in qaraxyo waaweyn ay dhaceen. DPA ayaa sidoo kale qortay in wakaalada wararka Ukraine ee UNAIN ay ku warantay in dadka deegaanka laga codsaday inay magangalyo raadsadaan oo ay ka baxaan Halkaasi.