Armenia waxay diyaar u tahay inay tanaasul ka sameyso dagaalka ay kula jirto Azerbaijan ee ku saabsan Nagorno-Karabakh hadii Azerbaijan ay diyaar u tahay inay sameyso sidaas oo kale, Raiisul Wasaaraha Armenia Nikol Pashinyan ayaa sheegay sidaasi.
“Colaadaha waxaa loo baahan yahay in lagu xaliyo iyadoo lagu saleynayo tanaasul labada dhinac ah,” ayuu yiri ra’iisul wasaaraha. Nagorno-Karabakh waa diyaar, Armenia-na waxay diyaar u tahay inay muraajaciso tanaasulaadka Azerbaijan ay diyaar u tahay inay sameyso.
Pashinyan wuxuu hubay in Ruushka uu difaaci doono hadii loo baahdo isku dhacooda Azerbaijan ee Nagorno-Karabakh.
“Waxaan ku kalsoonahay in sida xaaladdu tahay, Ruushka uu ilaalin doono waajibaadka heshiiskiisa,” ayuu yiri.
Armenia waxay xubin ka tahay Ururka Wadajirka ah ee Amniga Wadajirka ah ee loo yaqaan Moscow (CSTO) waxayna ku tiirsantahay taageerada Ruushka oo saldhig milatari ku leh dalkaas.
Dhanka kale, Pashinyan wuxuu sheegay in dhiiri galinta Turkiga ay ku dhiira galisay xulafadooda Azerbaijan inay la gasho dagaalo hor leh oo ka dhaca gobolka, isla markaana uusan aqbali doonin wadahadalka nabada hadii Turkigu qayb ka yahay.
Turkiga ayaa taageeray dalabkii Azerbaijan ee ahaa in Armenia ay ka baxdo Nagorno-Karabakh iyada oo shuruud u ah xabad joojin kasta oo dhacday iyo wada xaajood kasta uu turkiga qeyb ka ahaado.
Somaliska Stockholm
