Si kastaba ha ahaatee, Maxamed Cali si rasmi ah looguma wargelin inuu isaga laftiisu yahay qof looga shakisan yahay inuu dembi galay.

Guddoomiyaha Baarlamaanka Sweden, Andreas Norlén, ayaa telefishinka TV4 u sheegay in xeerarka lagu maamulo bixinta fasaxyada sababo shakhsiyeed ay aad u adag yihiin.

Maxamed Cali ayaa beeniyey warar ay warbaahinta qaarkeed baahisay oo sheegayey inuu dib u dhigay ballamo su’aalo-weydiin ah oo uu boolisku la lahaa, kuwaas oo la xiriira tuhunka wax-is-daba-marinta doorashada ee magaalada Borlänge.

Qoraal uu ku baahiyey bartiisa Facebook ayuu ku sheegay inaysan marnaba macquul ahayn in warbaahin caan ah ay faafiso eedeymo aan la xaqiijin ama khaldan, iyadoo ku salaynaysa ilo xog-ogaal ah.

“Ma aanan dib u dhigin wax su’aalo-weydiin ah oo booliska ah, mana aanan wax wadahadal ah la yeelan booliska oo ku saabsan wax-is-daba-marinta doorashada ee la sheegayo.”