Bilihii la soo dhaafay Sweden waxaa ka dhacayay dhibaatooyin siyaasadeed iyo kuwo amni oo ay sabab u tahay Falalka Qur’aanka lagu gubay.

Dowladda ayaa la kulantay cadaadis caalami ah iyo mid gudaha ah taasoo keentay inay dib u eegis ku sameyso sharciga nidaamka dawliga ah iyadoo la raadinayo qaab sharci ah oo mustaqbalka lagu mamnuci karo Qur’aanka iyo Kutubta xurmada leh ee lagu gubo goobaha caamka ah.

Si kastaba ha ahaatee, dadaalka ay wado dowladda ayaa ku soo beegmaya iyadoo ay shaki badan ka qabaan xisbiyada mucaaradka, waxaana la filayaa inay diidmo ka helaan xisbiga ugu weyn ee garabka midig ee xisbiga SD Sverigedemokraterna, taasoo ka dhigan inuusan weli helin aqlabiyad baarlamaan oo u ogolaanaya inuu wax ka bedelo sharciga. haduu soo gaadho hoolka baarlamaanka .

Xisbiga mucaaradka ah ee ugu weyn, xisbiga Sooshal dimuqraadiga, ayaan weli u arag wax isbeddel ah oo lagu sameeyo sharciga nidaamka dawliga ah.

Afhayeen u hadlay siyaasadda sharciga ee xisbiga, Ardalan Chakrabi, ayaa sheegay in hantiwadaaggu uu ka soo jeedo mudnaanta ilaalinta xorriyadda hadalka iyo xorriyadda mudaaharaadka ee Sweden, sidaas darteedna ay waajib tahay in sharcigu damaanad qaado.

Xisbiga laftiisa ayaa hore ugu dhawaaqay inay u furan tahay inay daraasad ku sameeyaan mamnuucida gubista kutubta barakaysan, balse waxa ay su’aal galiyeen mashruuca xukuumadda oo ay sheegeen inay sugi doonaan inta mashruuca ugu dambeeya ku dhawaaqi doonaan mawqifkooda.

Halka xisbiyada Centerka iyo Miljopartiet ay ku dhawaaqeen mowqif cad oo ay ku diidan yihiin in wax laga bedelo sharciga hadda jira.

Xisbiga SD ayaan weli si cad u shaacin mowqifkiisa ku aaddan arrintan, balse dhammaan mansabyadii uu hore u soo qabtay iyo madaxda iyo ku xigeennada xisbiga ayaa xaqiijinaya in mawqifka xisbigu uu noqon doono mid diiddan in wax laga beddelo sharciga iyo in la mamnuuco in la gubo Qur’aanka kariimka ah.

Xigasho: sverigesradio.se