Dowlada Sweden ayaa maanta soo gudbisay hindise sharciyeed ku aadan in la adkeeyo shuruudaha dib u mideynta qoyska iyo in la dhimo bixinta sharciga sababo bini’aadantinimo sida ay Qortay TT.

Sharci qabyo ah oo ay dowladdu u gudbisay baarlamaanka Sweden ayaa dhigaya in la adkeeyo shuruudaha habraaca dib-u-mideynta iyo sharciyada magangalyada bini’aadantinimo.

Dawladdu waxay soo jeedinaysaa in la xaddido ka-reebitaanka la siiyay shuruudda masruufka, iyo in la beddelo da’da ugu yar ee carruurta ee la xidhiidha diidmada kiisaska isu-keenidda qoyska.

Waxa kale oo ay soo jeedinaysaa in la tirtiro qodobbada ku saabsan “oggolaanshaha carruurta, iyo in lagu beddelo oggolaansho marka “xaalado aad u daran” ay jiraan.

Wasiirka socdaalka Maria Malmer Steinergaard ayaa tixgalisay in “soo galootigii cuslaa ee Sweden soo maray sanadihii ugu dambeeyay iyo isdhexgalka la’aanta” taasoo keentay in Sweden ay wajahdo “caqabado waaweyn”.

Waxay sheegtay in tillaabooyinka ay qaaday dawladeeda ee ku jira galka socdaalka, oo ay ku jiraan soo jeedintan, ay uga golleeyihiin “in la jebiyo oo laga noqdo isbeddelkan.”

Waxaa xusid mudan in soo jeedinta adag ee ku jirta galka socdaalka ee ay qaadatay xukuumadda cusub ay ku timid heshiiskii ay xisbiyadoodu la galeen xisbiga garabka midig ee Sverigedemokraterna inta aan la aasaasin, kaas oo loo yaqaanay heshiiskii (Tido)