Fannaan caan ah oo u dhashay Ruushka Evgeny Fedorov, oo iska dhiibay Sweden bishii Maarso ee la soo dhaafay ka dib markii uu dhaleeceeyay duulaanka Ruushka ee Ukraine, ayaa lagu qasbay inuu ka tago Sweden.

Go’aan ay soo saartay Hay’adda Socdaalka ayaa lagu sheegay in lagu masaafurinayo, iyadoo la eegayo in uu codsi magangelyo ka gudbiyay waddankii ugu horreeyay ee Yurub ee uu soo galo ee Estonia. 

“Ma garanayno waxa nagu dhici doona,” ayay xaaskiisa u sheegtay wargeyska Göteborg Posten.

Xubnaha qoysku waa inay ka baxaan Iswiidhan oo ay tagaan Estonia oo ay soo mareen si ay u gaaraan Iswiidhan, sida uu qabo sharciga Dublin, kaas oo dhigaya in magangalyo-doonka ay codsigooda ku soo gudbiyaan waddanka ugu horreeya ee Midowga Yurub ee ay galaan.

Evgeny Fedorov waxa uu baraha bulshada ku dhaleeceeyay madaxweynaha Ruushka Vladimir Putin, Fedorov waxa uu hadalkan ku yidhi, “wax yar ka dib dhaleecayntii, waxa i soo wacay qof sheeganaya in uu ka yimid maamulka. Laakin markaas waxaan helay wicitaano badan oo hanjabaad ah oo sheegaya inay dhaawici doonaan isaga.”