Maxkamadda Örebro ayaa Isniintii maanta codsatay in la soo xiro waalidiinta gabadh yar oo looga shakisan yahay inay guur ku qasbeen.
Dacwad oogaha Anders Persson ayaa sheegay in sababta loo xiray ay tahay iyadoo ay jirto khatar ku soo fool leh.
Gabadhan oo ku jirta da’yar ayaa sanadkii hore Sweden timid iyadoo ka timid wadan kale oo Yurub ah, wax yar kadibna waxaa la sheegay inay guursatay wiil ka weyn labo sano.
Sida ku cad sheegashada labada lamaane ayaa is guursaday si waafaqsan dhaqankooda, kaas oo sidoo kale laga duubay muuqaal, si kastaba ha ahaatee, guurkooda ma diiwaan gashanayn sharciga Sweden.
Laakiin guurka sharci darada ah ayaa la ogaaday kaliya markii ay gabadhu la xiriirtay xarunta hooyada.
Maadaama ay gabadhu ahayd mid aan qaan-gaarin, waxaa lala xiriiriyay hay’adda adeegga bulshada, si loo ogaado baaritaanadii ugu horreeyay in ay guursatay wiil aan qaan-gaar ahayn.
Waalidiinta ayaa hadda looga shakisan yahay in ay guur ku Qasbeen, waxaana ay wajihi doonaan ilaa afar sano oo xarig ah.
Waalidiinta wiilkan ayaa sidoo kale looga shakisan yahay inay isku dambi yihiin, balse lama soo qaban, sababtoo ah xeer ilaalintu ma aragto inay jirto khatar la mid ah inay Sweden ka baxaan maadaama ay degan yihiin Sweden.
