Markii ugu horreysay abid, mas’uuliyiinta Britain ayaa soo saaray digniin cas oo ku saabsan kulayl daran, iyada oo heerkulku la filayo inuu dhaafo 40 digrii toddobaadkan.

 Iskuullada ayaa la xiray goor hore, halka mas’uuliyiintu ay ku booriyeen dadka inay fiiro gaar ah u yeeshaan waayeelka. Sida ay sheegtay wariyaha Dagens Nyheter ee London, Catherine Marshall.

“Ma jirin wax hadal ah oo halkan ka dhacay maalmihii ugu dambeeyay aan ka ahayn sida uu waddanku ula tacaalayo heerkulka aadka u sarreeya,” ayay Marshall raacisay .

Dawladdu waxay ku talisay dhowr taxadar oo wax looga qabanayo kulaylka, gaar ahaan dadka nugul sida waayeelka ama carruurta yaryar. 

Waxay kula talisay inay guriga iska joogaan oo ay iska ilaaliso safarka. Halka dugsiyo badan ay albaabada u laabeen, jidadkii tareenaduna ay joojiyeen inay ka shaqeeyaan meelaha kulaylka badan lahaa.