Ugu yaraan 2 qof ayaa lagu toogtay 8 kalana waa lagu dhaawacay bartamaha magaalada Tel Aviv, sida uu sheegay isbitaal ku dhow halka uu shilku ka dhacay.

Dhowr dambiilayaal ayaa markii hore la sheegay, balse booliiska Israa’iil ayaa markii dambe sheegay inay hayaan hal tuhmane oo ka danbeeyay Falka sida uu qorya wargeyska Haaretz .

Lama oga ilaa hadda sababta keentay toogashada, balse dhacdadan oo dhacday habeenimadii Khamiista ayaa ku soo beegantay xilli ay sii kordheen qalalaasaha ka dib markii weeraro is xigxigay ay geysteen Falastiiniyiinta.

Adeegga ambalaasta ee Magen David Adom ayaa helay warbixinno ku saabsan toogashooyin ka dhacay dhowr meelood oo ku yaalla Tel Aviv, oo ay ku jirto waddada mashquulka badan ee Dizengoff halkaas oo ay ku yaaliin dhowr baarar iyo maqaayado.