Mas’uuliyiinta Ruushka ayaa ka digaya in “xaalad khatar ah” ay iman doonto haddii Poland ay u geyso Ukraine diyaarado dagaal oo uu sameeyay Soofiyeedka iyada oo la sii marinayo saldhigga milatari ee Mareykanka.
“Tani waa xaalad halis ah oo aan loo baahnayn oo suurtagal ah,” afhayeenka Kremlin-ka Dmitry Peskov ayaa sheegay Arbacada maanta, iyadoo ciidamada Ruushku ay sii wadeen dhaqdhaqaaqooda Ukraine.
Madaxweynaha Ukraine Volodymyr Zelenskyj ayaa ka codsaday wadamada reer galbeedka go’aan deg deg ah oo ku saabsan keenista diyaaradaha dagaalka ee MiG-29.
– Goorma ayaa go’aan la gaari doonaa? In la keeno miigan ayuu Zelenskyj ku yidhi muuqaal la soo galiyay app-ka Telegram Arbacadii.
– Waxaan mar labaad kaa codsaneynaa inaad sida ugu dhaqsaha badan u go’aansato. Diyaarado aad noo soo dirtaan.
Wasaaradda Difaaca Mareykanka ayaa ilaa iyo hadda ka walaacsan hindisaha Poland ee ah in diyaaradaha dagaalka la soo mariyo saldhigga ciidamada Mareykanka ee Jarmalka.
