Raiisel Wasaaraha Armenia Nikol Pashinyan wuxuu warqad u diray madaxweynaha Ruushka Vladimir Putin oo uu ku weydiisanayo caawimaad dagaalka Azerbaijan awgiis, sidaana waxa sheegay wasaarada arimaha dibada ee Armenia.
Warqadda, Pashinyan wuxuu codsaday la-tashi si loo ogaado nooca iyo xaddiga kaalmada uu Ruushku siin karo Armenia si “loo sugo ammaankiisa”
Wasaaradda Arrimaha Dibadda ee Armenia waxay xustay in dhowr qodob oo heshiiska ka mid ah ay u baahan yihiin ficillo la taaban karo haddii ay dhacdo hanjabaad hubaysan ama fal xadgudub ah oo lagu qaado midba midka kale dhulkiisa.
Wasaaradda arrimaha dibedda ee Ruushka ayaa ka jawaabtay in Ruushku uu dib u xaqiijinayo ballanqaadyadiisii Armenia, oo ay ku jiraan kuwa ku xusan heshiiska Saaxiibtinimada, Iskaashiga iyo Caawinta Labada Dhinac oo la soo gabagabeeyay Agoosto 29, 1997.
Isla mar ahaantaana, Wasaaradda Arrimaha Dibadda ee Ruushka ayaa sheegtay in Ruushka “uu siin doono Yerevan dhammaan taageerada lagama maarmaanka ah haddii dagaalku uu si toos ah ugu socdo dhulka Armenia.”
Xiriirka Ruushka wuxuu ugu yeeray dhinacyada isku haya magaalada Nagorno-Karabakh in ay si deg deg ah u joojiyaan colaada, dejiyaan xiisadaha una soo noqdaan wadahadalo wax ku ool ah si loo gaaro heshiis nabadeed oo ku saleysan mabaadi’da aasaasiga ah ee waafaqsan heshiisyadii lagu gaadhay Moscow Oktoobar 10.
Somaliska Austria
