Wareysi muhiim ah oo aan ka helnay Laanta Socdaalka Sweden

15
SHARE

Waxaa inoo suurto gashay in aan wareysi ka helno La taliyaha xaga Sharciga ugu sareeya Laanta Socdaalka Mikael Ribbenvik, wareysigaan ayaan waxaan wax ka waydiinay in Laanta Socdaalka ay noo faahfaahiso dhibaatada soo wajahday Soomaalida dooneysa in ay reerkooda keensadaan Sweden iyo wixii xal ah. Hadaba wareysiga ayaa sidaan u dhacay.

Jimcale: Waxaan ognahay caruurbadan oo waalidkood loo diiday in lala mideeyo, waa maxay aragtida Laanta Socdaalka ee dhibaatadaas?

Laanta Socdaalka: Waxaan raacnaa qaanuunka u degsan Sweden ee dhinaca baasaboorka iyo go’aankii ay gaartay Maxkamada Sare ee Socdaalka. Baasaboorka loo yaqaan feremlinka lama siiyo qof wadankiisii jooga ama qof Sweden banaanka ka jooga, ilaa qofku in uu la yimaado cadeyn sharci ah ma ahane. Dhibaatadu waxay ka taagantahay cadeynka aqoonsiga dadka Somalida. Laanta Socdaalku waxay ku tala jirtaa in dib loo qiimeeyo arinta cadeynka aqoonsiga ayadoo tixgalin gaar ah la siin doono la mideynta caruurta waalidkooda.

Jimcale: Waan la socdaa in shuruuda baasaboorka uu ka yimid maxkamada Sare, balse arintaan sharci ahaanteeda waa sidee in waalid loo diido in caruurtooda lala mideeyo?

Laanta Socdaalka: Marka laga tago tixgalinta aan siino qaxootiga, ma jiro sharci caalami ah

Mikael Ribbenvik

ama mid gaar ah oo qasab kaga dhigaya Sweden in ay baasaboor siiso dadka ajanabiga ah ama u diidaya Sweden in ay qasab kaga dhigto dadka oo dhan in ay baasaboor keensadaan. Sida caadiga ah waa shuruud u dhaxeysa xiriirka u dhexeeya wadama in wadankasta uu baasaboor ka dalbado dadka wadamada kale ama in uu iska dhaafo balse dhibaatada ayaa ah in Soomaaliya aysan jirin cid heshiis nuucaas ah lala galo sidaa darteedna baasaboor Soomaali ah lama aqbali karo.

Jimcale: Waa sidee rajada in Maxkamadu ka laabato go’aankeedii ama wado kale loo helo oo reeraha Soomaalida lagu mideeyo?

Laanta Socdaalka: Waa macquul in Maxkamada Sare ee Socdaalku ay Soomaalida si qaas ah shuruuda uga qaado, balse ma qiyaasi karno taasi in ay dhacayso iyo in kale. Runtii sharciga baasaboorka fremlinka waa arin siyaasadeed, taasoo uu go’aankeeda leeyahay baarlamaanka Sweden (Riksdag).

Jimcale: Waa maxay sababta ay safaaradaha Sweden ee ku yaala Afrika ay uga dalbanayaan dadka Soomaalida in ay baasaboor keenaan anagoo og in Laanta Socdaalku aysan aqbalin baasaboor Soomaali ah?

Laanta Socdaalka: Baasaboorka Soomaaliga looma aqoonsana dukument lagu safri karo balse wuxuu qayb ka qaadan karaa nidaamka aan u isticmaalno in aan ku cadeyn aqoonsiga qofka. Baasaboorka kaliya cadeyn ma noqonayo balse markii lagu daro cadeymo kale iyo wixii warqado ah ee uu qofku keeno waxaa loo isticmaali karaa in la isku dayo in ay qofka cadeyn u noqon karaan.

Jimcale: Goordhoweyd ayaa wasiirka Socdaalka uu sheegay in ay dib u eegayaan xaalada midnimada reeraha Soomaalida, intaad ogtahay, arintaas malagu dhaqaaqay?

Laanta Socdaalka: Maya, wali

Jimcale: Haddaan u soo labaano dadka wadanka jooga ee sharciga aan lahayn, waxaa na soo gaaraya dadka badan oo diidmo la siiyay ama waqti dheer laga aamusay. Laanta Socdaalku miyay badashay aragtideedii ku wajahneyd xaalada Soomaaliya, qaasatan Muqdisho?

Laanta Socdaalka: Maya, ma aanan badalin aragtideenii ku aadanayd xaalada Muqdisho, balse waxaa laga yaabaa in ay waqti dheer qaadanayso waayo hada waxaa jira dad fara badan oo wadamo kale ka yimid oo Sweden iska dhiiba. Sidoo kale waa in aan xaqiijinaa goobta Soomaaliya ka mid ah ee qofka uu ka yimid.

Jimcale: Ugu dambeyntii, sideed ula dhaqantaan dadka ka yimid Giriiga ama Talyaaniga oo aan ognahay xaalada nolosha qaxootiga in ay liidato?

Laanta Socdaalka: Waqtiga hada la joogo, waan joojinay in aan dadka ku celino wadanka Giriiga.

Hadaba wareysigeenii sidaas ayuu u dhacay, waxaan rajeynayaa in aad ka hesheen jawaabo aad sugeyseen.

Sidee u aragtaa Fadlan Hoos ku reeb Fakarkaga Qodobkan

LEAVE A REPLY

Please enter your comment!
Please enter your name here