Natiijadii ka soo baxday tirinta codadka dhammaan degmooyinka dalka Sweden ayaa muujisay in garabka midig ee uu hoggaamiyo xisbiga Moderaterna oo ay ku jiraan KD iyo Sverigedemokraterna ay ku guulaysteen farqiga 3 kursi ee baarlamaanka dalka Sweden.

Sidoo kale garabka midig ee uu hogaamiyo Ulf Kristerschon ayaa ku guuleystay 176 kursi, halka 173 ay heleen dowladda hadda jirta.

Marka la eego natiijada xisbiyada

Xisbiga Sooshal dimuqraadiga ayaa kaalinta koowaad galay isagoo helay 30.4% (107 kursi), koror 2% ah marka loo eego doorashooyinkii 2018

Xisbiga midigta fog ee SD ayaa kaalinta labaad soo galay isagoo helay 20.6% (73 kursi), taasoo kor u kacday in ka badan 3 boqolkiiba doorashadii hore.

Xisbiga Moderaterna ayaa galay kaalinta saddexaad isagoo helay 19.1%, hoos u dhac ku yimid in ka badan boqolkiiba kala badh, wuxuuna helay 68 kursi.

Centerpartiet ayaa galay kaalinta afaraad isagoo helay 6.7% si ay ugu guuleysato 24 kursi, taasoo hoos u dhac ku dhow 2% ka ah doorashadii 2018-ka.

Dhanka xisbiga Vänsterpartiet, waxa uu sidoo kale ku guuleystay 24 kursi, taasoo hoos u dhacday 1.3 boqolkiiba doorashooyinkii ugu dambeeyay.

Xisbiga KD ayaa helay 19 kursi, taasoo hoos uga dhacday 1 boqolkiiba doorashooyinkii hore.

Deegaanku wuxuu ku guulaystay inuu helo boqolkiiba 5.1, korodh ku dhawaad ​​boqolkiiba 1 ah, waxaanu helay 18 kursi.

Ugu dambeyn, xisbiga Libaraalka ayaa helay 16 kursi, isagoo helay 4.6%, taasoo hoos uga dhacday 0.9% doorashadii 2018-ka.