Laba qof oo tahriibayaal ah ayaa Sabtidii iyo Axaddii lagu toogtay laba dhacdo oo kala duwan oo ka dhacay xeryo muhaajiriin ah oo u dhow magaalada Dunkirk ee waqooyiga Faransiiska.
Ku dhawaad shan qof oo kale ayaa ku dhaawacmay, sida uu sheegay booliiska Faransiiska. Dhammaan dadka ay dhibaatadu saameysey ayaa lagu soo waramayaa in ay asal ahaan ka soo jeedaan Suudaan.
Ilo-wareedyo ka tirsan booliiska Faransiiska ayaa sheegay in hal qof oo tahriibayaal ah lagu toogtay xero muhaajiriin ah oo ku taal Loon Plage, oo ka baxsan magaalada Dunkirk, Axaddii (June 15). Toogashadan ayaa timid maalin kadib markii rasaas lagu dilay nin kale isla aagga Sabtidii (June 14) iyadoo shan kalena lagu dhaawacay, sida ay ku warrantay wakaaladda wararka Faransiiska ee AFP.
Muhaajiriinta la toogtay Axadii ayaa lagu soo waramayaa inuu yahay 24 jir u dhashay dalka Sudan. Ku dhawaad 1,500 oo qof ayaa jooga xerada Loon Plage, sida uu booliisku sheegay. Dhibbanaha ayaa waxaa haleeshay rasaas madaxa ka haleeshay, sida uu sheegay wargeyska Faransiiska ee La Nouvelle Republique .
