Madaxweynaha Maraykanka Donald Trump ayaa si heer sare ah loogu soo dhaweeyay dalka hodonka ah ee Qadar, oo uu ku tegey booqashadiisa labaad ee Bariga Dhexe, kaddib Sacuudi Careebiya.
Aqalka Cad ayaa sheegay in Trump iyo Amiirka Qatar Sheikh Tamim bin Hamad Al Thani ay kala saxiixdeen heshiisyo ku salaysan isdhaafsi dhaqaale, kuwaas oo la sheegay inay ku kacayaan in ka badan $1.2 tiriliyan.
Heshiisyadaan ayaa la sheegay inay ku jiraan heshiis $96bn ah oo ay Qatar Airways la gashay diyaaradaha 210 Boeing 787 Dreamliner iyo 777X diyaaradood, oo kamid ah ilaha dhaqaalaha Maraykanka.
Heshiisyadaan ay kala saxiixdeen madaxda dalalka Qadar iyo Maraykanka ayaa waxaa qayb ka ah $38bn oo lagu maalgelinayo Qatar Airbase Al Udeid iyo awoodaha kale ee difaaca hawada Qadar.
