Dowlada Sweden ayaa maanta go’aansatay in la adkeeyo sharciyada la xiriira iskuulada wadista gawaarida, si loo joojiyo dhaqamada sharci darada ah iyo shaqada madow ee ay wadaan iskuuladan.

Sharciyada cusubi waxay xadidayaan tirada ardayda macalinka gaarka loo leeyahay ee wadista gawaarida kuwaasi oo gaaraya 5 arday oo kaliya.

Waxay sidoo kale sharraxday in marka la baranayo kaxeynta liisanka B, gaariga loo adeegsaday imtixaanka inuu ka tirsan yahay Maamulka Gaadiidka Iswiidhan ama iskuul taraafikada oo la ansixiyay.  

“Iskuullada wadista gawaarida madow waxay gacan ka geystaan wadis aan amaan aheyn, iyagoo dadka ku khiyaameeya lacagta iyo tababarka ay u baahan yihiin si ay u noqdaan darawallo wanaagsan,” ayuu yiri wasiirka kaabayaasha kaabayaasha Thomas Eneroth war-saxaafadeed uu maanta soo saaray.

Isaga oo hadalkiisa sii wata, waxa uu yiri “Waxay inta badan ku saabsan tahay nabadgelyada taraafikada waddooyinkeena. Go’aanka maanta, waxaan tallaabo ka qaadi doonnaa iskuulada wadista madow.