Stockholm waxaa ka dhacay dagaal aad u ba’an, ka dib markii ku dhawaad ​​kun qof ay xoog ku galeen isku imaatin ay ku sugnaayeen Dad daacad u ah dowladda Eritrea.

Wargeyska Expressen ayaa sheegay in kooxaha kasoo horjeeda ay u suurtagashay in ay ka gudbaan caqabadaha booliiska, iyagoona dhagxaan ku tuuray Dadka daacadda u ah, xilli uu socday dagaal xooggan oo labada dhinac ku dhexmaray magaalada Järfa.

Qaar ka mid ah ka qaybgalayaasha ayaa sidoo kale bilaabay inay adeegsadaan ulo, burburinta teendhooyinka waxaana goobta ka dhacay qalalaase iyo rabshado.

Baabuurta Booliska oo aan ka yarayn 9 ayaa goobta ku sugnaa, balse baaxadda dadka mudaharaadayey ayaa u diiday inay xaaladda xakameeyaan.

Sida wararka sheegayaan ku dhawaad 50 qof ayaa ku dhawaacmay Dagaalka oo ay ku jiraan Boolis.