Xisbiga Socialdemokraterna ayaa maanta ku dhawaaqay barnaamijkiisa doorashada, isagoo diiradda saaraya tallaabooyinka laga qaadayo dembiyada kooxaha gaangiska ah, joojinta ku biirista Kooxahan, iyo adkeynta ganaaxyada.
Barnaamijkan ayaa waxa uu xambaarsanaa halku dhigga “Sweden waxa ay qaban kartaa waxa ugu wanaagsan” waxaana ku dhawaaqay madaxweynaha xisbiga iyo ra’iisal wasaaraha Magdalena Andersson iyo wasiirka maaliyadda Mikael Damberg oo shir jaraa’id ku qabtay xarunta xisbiga ee Stockholm.
“Waan adkeyn doonaa ciqaabta, waxaana ballaarin doonnaa awoodda booliiska, laakiin isla xoogga waa in la saaro tallaabooyinka ka hortagga,” ayay tidhi Andersson.
“Kroon kasta waxaan rabnaa inaan ku bixinno kordhinta tirada booliiska, ugu yaraan waa in lagu bixiyaa ka hortagga qoritaanka kooxaha gaangiska, loona dhimo kala soocidda,” ayay raacisay, iyadoo ku nuux-nuuxsatay in xisbigeedu uu doonayo inuu la dagaallamo dambiyada burcadda ah. siyaasad aqoonsan dhibka oo dhan.
Andersson ayaa soo bandhigay sawirka xaalada adag ee dhaqaale ee Sweden soo wajahday. Waxay tiri, “Dalku wuxuu ka soo baxayaa xilligii Corona, kaasoo caqabad ku abuuray dhammaan bulshada, haddana gobolka ayaa dagaal ka socda gaar ahaan Ukraina. Isla mar ahaantaana, qiimaha tamarta iyo cunnada ayaa kor u kacaya,” ayay tidhi, iyada oo raacisay, “Waxay u baahan doontaa hoggaan xirfad leh oo siyaasadda ah. Waxay sidoo kale u baahan doontaa dhammaanteen inaan wax badan qabanno.”
Mudnaanta xisbiga Sooshal dimuqraadiga, marka loo eego barnaamijkooda doorashada, waa in la joojiyo dembiyada iyo kala soocidda jinsiyadda, dib u soo celinta maamulka dimoqraadiga ah ee daryeelka bulshada, iyo abuurista shaqooyin iyada oo loo marayo isbeddel deegaan.
Dhowr xisbi ayaa soo bandhigay barnaamijkooda doorashada. Dhanka kale xisbiga Socialdemokraterna ayaa maanta barnaamijkooda ku dhawaaqay abbaaraha 17 maalmood ka hor maalinta doorashada la filayo ee September 11-keeda.
