Waaxda canshuuraha ee Sweden ayaa maanta dalbatay in ay awood u yeelato in ay qaado talaabooyin adag oo lagu ogaanayo dambiilayaasha si badheedh ah iskaga diiwaan geliya cinwaanada khaldan, iyaga oo ku baaqaya in faro laga qaado dhamaan dadka Sweden u yimid ujeedada waxbarasho ama shaqo Sida uu soo xigtay TT.

Agaasimaha Guud ee Hay’adda Canshuuraha Catherine Palm, iyo Madaxa Diiwaangelinta Dadweynaha, Peter Sevey, ayaa maqaal maanta ku daabacday Daggins Nehitter.

Dawladdu waxay u xilsaartay baaritaan loogu talagalay in lagu yareeyo khaladaadka ka jira diiwaanka dadweynaha. Baaritaanku wuxuu soo bandhigi doonaa talooyinkiisa guga soo socda. In kasta oo labada mas’uul ay ku qoreen maqaalka, waxay dalbadeen in Hay’adda Canshuuraha la siiyo sharci ay ku baari karto guri kasta oo looga shakisan yahay inuu hayo macluumaad qaldan si loo diiwaangaliyo dadka deggan, iyo inay awood u yeelato inay weydiiso dadka deggan halkaas si ay u muujiyaan aqoonsigooda.

Hay’adda cashuuraha waxay rabtaa inay fursad u hesho inay ka joojiso diiwaangelinta qofka cinwaanka hadda la joogo, iyadoo aan loo baahnayn inay iska diiwaangeliso cinwaan cusub, haddiiba ay dhacdo in qof ogaado inuu qof aan la aqoon ka diiwaan gashan yahay cinwaankiisa.

Isbedelka aasaasiga ah

Wasiirka maaliyada Magdalena Anderson ayaa qoraal ay soo saartay ku sheegtay in dowladu ay samaynayso “isbadal aasaasi ah si looga hortago khaladaadka ku jira diiwangalinta dadweynaha.” Waxyaabaha kale waxa ka mid ah, inaannu u kordhinay agabkii hay’adda cashuuraha iyo dib u soo celinta denbiyadii diiwaangelinta dadweynaha ee ay baabiisay dawladda Konserfatifka, laakiin waxa loo baahan yahay in wax badan la qabto si khaladaadka loo yareeyo, ayay tidhi. Sidaa darteed, waxaan bilownay baaritaanka dowladda. ”

“Waxaan rajeynayaa inaan sii wado wadahadalka aan la leenahay hey’ada canshuuraha si aan u qaado talaabooyin dheeri ah,” ayuu yiri Anderso.