Ruushka ayaa hadda gacanta ku haya inta badan magaalada la duqeeyay ee ku taal badda madow, marka laga reebo biraha waaweyn ee Azovstalka ee ku yaal duleedka.

Lama oga tirada askarta Yukreeniyaanka ah ee ku jira gudaha 11-km oo isku wareeg ah oo ka tirsan birtaasi.

Wasaaradda Difaaca ee Ruushka ayaa ku andacoonaysa in ay sidoo kale halkaas ku sugan yihiin ilaa 400 oo calooshood u shaqeystayaal ajnabi ah oo ay ku jiraan Yurubiyaan iyo Kanada.

Maalintii Axadda ayay ahayd markii wasaaradda gaashaandhigga Ruushka ay u qabatay askartaasi in ay isa soo dhiibaan 1-da duhurnimo, waxaana ay u ballan qaaday in ay si lacag la’aan ah uga bixi doonaan goobtaasi haddii ay hubka iyo rasaasta kala baxaan oo ay la soo baxaan calamo cadcad.

General Mikhail Mizintsev oo ka tirsan Wasaaradda Difaaca ee Ruushka ayaa ballan qaaday in askartaas loola dhaqmi doono si waafaqsan xeerarka Axdiga Geneva ee maxaabiista dagaalka.

Markii waqtigii loogu talagalay uu dhacay Axadii, ma jirin calaamado muujinaya in askarta Ukraine ay u hoggaansami doonaan dalabka Ruushka ee ah inay hubka dhigaan.