Paludan oo hogaaminaya xisbiga midigta fog ee Denmark steam C ayaa socdaal ku jooga dalka Sweden si uu u gubo quraanka kariimka ah.
Maalintii Khamiista, waxaa isku dhacyo rabshado watay ku dhex maray booliska iyo mudaaharaadayaal ka kala dhacay Linköping iyo Norrköping, halkaas oo Paludan uu ku qasbanaaday in uu joojiyo gubitaankiisa uu ku dhawaaqay in uu Quraanka Kariimka ah.
Maalintii jimcaha ahayd, waxa uu ciidanku gaadhay xaafadda Rinkeby ee magaalada Stockholm, halkaas oo dhagaxaan lagu tuuray siddeedna la xidhay markii uu Paludan dab qabadsiiyey kitaabka Quraanka Kariimka ah.
Habeenimadii jimcaha ayaa lagu soo afjaray isku dhacyo rabshado wata oo dhex maray booliska iyo dad ka soo horjeeday markii Paludan uu doonayay inuu Quraanka ku gubo Örebro. Inta la xaqiijiyay 12 askari ayaa ku dhaawacantay, waxaana sidoo kale lagu gubay dhowr gaari oo kuwa Booliska ah, waxaana xaalada lagu tilmaamay mid qasan.
