Maxkamad ayaa xukuntay nin da’diisu ku dhowdahay 60 sano, kadib markii lagu helay dembi la xiriira khiyaano kaalmada bulshada ah, kaddib markii la ogaaday inuu helay magdhow lacageed oo ka yimid Sanduuqa Caymiska Bulshada isagoo weli shaqaynayay intii uu ku jiray fasax xanuun.

Ninka ayaa si sharci-darro ah u qaatay ku dhowaad 185,000 oo karoon intii lagu jiray sannadka 2024, isagoo iska diiwaangeliyay inuu bukaan yahay oo shaqada ka maqnaa, halka xaqiiqadu ay ahayd inuu shaqaynayay dhowr bilood isaga oo aan wargelin hay’adaha ay khusayso.

Sida ay sheegtay wakaaladda wararka TT, oo ka soo xigatay wargeyska Ystads Allehanda, arrintan ayaa ugu dambeyn keentay in dacwad lagu soo oogo ninka.

Maxkamaddu waxay ku xukuntay xukun shuruudaysan, sidoo kale waxaa lagu ganaaxay ganaax maalinle ah oo wadartiisu gaareyso 10,800 oo karoon.