Bayaan uu soo saaray fiidnimadii Axadda ayuu Putin ku cambaareeyay weerarka oo uu ku tilmaamay “fal argagixiso oo lala beegsaday kaabayaasha rayidka ee Ruushka”.

Putin ayaa hadalkan ka sheegay kulan uu la qaatay Aleksandr Bastrykin oo ah madaxa guddiga baaritaanka qaraxa.

Intii uu socday kulanka, Bastrykin waxa uu ku andacoodey in muwaadiniinta Ruushka iyo kuwa ajnabiga ah ay ka caawiyeen wakiilada gaarka ah ee Ukraine inay fuliyaan weerarka. Waxa uu sidoo kale sheegay in weerarka hadda lagu baarayo mid Argagixiso.

Maalinta Isniinta ayuu Putin shir guddoomin doonaa shirka Golaha Ammaanka ee Ruushka. Sida laga soo xigtay Kremlin-ka, waxay ka wadahadli doonaan sidii looga jawaabi lahaa weerarka.