Madaxweynaha Mareykanka Joe Biden ayaa sheegay in uu rajaynayo in xabad joojin ku meel gaar ah la gaaro colaada Qasa isniinta soo socota.

Hakinta colaada ayaa la rajaynayaa inay timaado iyadoo maalmo uun ka dhiman yihiin bilashada bisha barakaysan ee Ramadan.

Qorshe qabyo ah ayaa soo jeedinaya in tani ay keeni karto hakad afartan maalmood ah, taas oo joojin doonta howlgalada militari si loogu ogolaado sii deynta la haystayaasha Israa’iil ee ay haystaan Xamaas.

Boqolaal maxaabiis falastiiniyiin ah ayaa sidoo kale la sii deyn doonaa. Dhismayaasha qaar waa la dayactiri doonaa, waxaanaa sidoo kale Qasa gali doona baabuur badan oo gargaar sida ay sheegtay wakaaladda wararka ee Reuters

Biden ayaa Israa’iil ka codsaday in ay joojiyaan beegsiga xubnaha booliska rayidka ah ee Xamaas ay maamulaan ee galbiya baabuurta gargaarka ee Gaza

Waxaa uu sheegay in ay aad uga walaacsan yihiin “in Gaza ay isku beddesho Muqdisho” maadaama uu meesha ka baxay ammaankii iyo ayna muuqato rajo la’aan ay albaabada u fureen kooxo hubeysan oo dhac u geysta baabuurta gargaarka, taasoo cadaadis badan ku saaraysa nidaamka bini’aadantinimo ee Marinka horeba u cakiran.

Magaalada Muqdisho ee caasimadda Soomaaliya oo ku taalla Geeska Afrika – ayaa mar lagu tilmaami jiray magaalada ugu sharciga iyo khatarta badan caalamka.

Xubno ka tirsan ciidamada bilayska rayidka ah ee Xamaas ay maamulaan ayaa ka hawlgalayay Rafah iyo dhanka Gaza ee isgoyska Kerem Shalom ee u dhow si ay u xaqiijiyaan ammaanka baabuurta gargaarka. Balse waxay ka tageen shaqooyinkoodii horaantii bishan ka dib markii ay Israa’iil beegsatay.

Ugu yaraan 11 xubnood oo ka tirsan ciidamada booliska ee ku sugan Rafah ayaa lagu dilay duqeymo dhanka cirka ah oo ay Isreal ka fulisay todobaadyadii lasoo dhaafay, sida ay sheegeen saraakiisha Maraykanka. Tani waxay wadada u furtay kooxo hubaysan inay gacanta ku dhigaan gargaarka, sida ay saraakiishu sheegeen.