Milatariga Israa’iil ayaa wacad ku maray in ay sii wadi doonaan howlgallada ay ka wadaan Qaza, balse waxa ay qirteen in uu yahay “mid daba dheeraaday” oo ay adag tahay.

Afhayeen u hadlay ayaa sheegay in dhamaadka todobaadka ay ballaarinayaan “howlgalkeeda dhulka ee koonfurta iyo waqooyiga marinka Gaza”.

Dhanka kale, Mareykanka ayaa sheegay in Joe Biden uu la hadlay Ra’iisul Wasaaraha Israa’iil uuna ku nuux-nuuxsaday “baahida muhiimka ah” ee lagu ilaalinayo dadka rayidka ah.

Isaga oo ka jawaabaya, Benjamin Netanyahu waxa uu sheegay in dagaalku sii socon doono ilaa laga gaaro dhammaan yoolalka Israel.