Maxaa ku dhici doona ajaanibta aan haysan warqadaha degenaanshaha rasmiga ah, laakiin si kastaba ha ahaatee ku noolaa Jarmalka sanado badan sababo kala duwan?
Xukuumadda Chancellor Schulz ayaa ansixisay sharci fursad siinaya ilaa 130,000 oo qof oo ku nool Jarmalka si ay u saxaan xaaladooda. Ajaanibta dalka ku sugan ee sida wanaagsan isugu xiran ee aan helin sharciyo degenaansho. Sharcigan, oo ay ballan qaadeen isbahaysiga talada haya tan iyo dhammaadkii 2021, ayaa ujeeddadoodu tahay in la fududeeyo isdhexgalka.
Mashruucan oo ay ansixisay dawladda Chancellor Olaf Scholz, waxa uu khuseeyaa ilaa 130,000 oo ajaanib ah oo Jarmalka ku noolaa ugu yaraan shan sano, kuwaas oo aan qorshayn karin mashaariic wakhti dheer ah halkaas, maadaama aanay haysan Deganaansho Rasmi ah.
habeeynta deegaankooda nololeed ee Jarmalka iyadoo la eegayo muddada dheer ee ay joogeen waa in la siiyaa fursad ay ku buuxiyaan shuruudaha lagama maarmaanka u ah degenaanshaha sharciga ah.”
Waxay awood u yeelan doonaan inay helaan sharciga degenaanshada hal sano, taas oo ah wakhtiga ku habboon si loo caddeeyo inay awoodaan inay naftooda dhaqaale ku taageeraan. Dhammaadka wakhtiga tijaabada, waxa laga yaabaa inay helaan sharci degenaansho rasmi ah. Sida ku cad mashruuca dawladu waa in sidoo kale la fududeeyaa isu keenida qoyska ee dadkaas.
Wasiiru dowlaha mas’uulka ka ah faylka socdaalka, qaxootiga iyo isdhexgalka ee dowladda Chancellor Schulz, Reem Al-Abli-Radofan, ayaa leh “ilaa 135,000 oo qof, arrintani waxay ka dhigan tahay buundada nolol wanaagsan ee Jarmalka, iyo isdhexgal bini’aadantinimo oo dheeraad ah halkii ay ka ahaan lahayd kalsooni darro helitaanka Deganaan sax ah.
Hindise-sharciyeedkan, waxaa iska leh Wasiirka Arrimaha Gudaha ee Federaalka Nancy Visser (ee xisbiga Sooshal dimuqraadiga), wuxuu bartilmaameedsanayaa ajaaniibta dib u cusboonaysiinta degenaanshiyaha iyadoo la raacayo mabda’a qaarkood.
Waxaa lagu soo waramayaa in dadka ka faa’iideysan doona biilka cusub ay heli doonaan seddex sano si ay u codsadaan sharciga degenaanshaha.
Xeerkan ayaa lagu xusay in dadka marar badan ku celceliyay hadal been abuur ah ama ku khiyaameeyay haybtooda si looga hortago in la masaafuriyo aysan ka faa’iidaysan wax ka bedelka lagu sameeyay, ciddii dambi gashayna aan sharciga la horgeyn doonin.
Sharciga qabyada ah wuxuu sidoo kale u fududeynayaa magangalyo-doonka inay iska diiwaan geliyaan koorsooyinka laqabsashada iyo luqadda xirfadleyda. Dhanka qaxootiga dhameystay tabobarkooda caafimaad balse aan weli laga aqoonsanin aqoontooda xirfadeed ee Jarmalka, waxaa u fududaan doonta inay daryeel caafimaad siiyaan dadka kale ee magangalyo doonka ah, tusaale ahaan bixinta adeegyada guryaha magangalyada.
