Xerada ku meel gaarka ah ee Calais ayaa waxaa daganaa qiyaastii 700 ilaa 800 oo qof howlgalka lagu daad gureynayay dadka qaxootiga ah ee halkaas ku sugnaa ayaa bilowday  Talaadada, sida ay ku warantay Presstv.

Louis Le Franc, oo ah sarkaalka ugu sareeya dowlada Waqooyiga Pas-de-Calais, ayaa sheegay in ilaa 150 ka mid ah qaxootiga la daad gureeyay loo wareejin doono xarumaha soo dhaweynta ee Pas-de-Calais, 150 dheeraad ah gobollada kale ee Waqooyiga Faransiiska, iyo kuwa soo haray ee 500 ama wixii la mid ah qaybaha kale ee dalka.

Magaalada ayaa sanadihii la soo dhaafay waxaa loo isticmaali jiray meel ay ka bilowdaan kumanaan magangalyo doon ah oo sugaya inay u gudbaan UK.

Mas’uuliyiinta Faransiiska waxay wacad ku mareen inay ka fogaan doonaan in qaxootiga halkaasi ku soo laabtaan, taasi mar martigelisay ilaa 10,000 oo qof, oo la daalaa-dhacaya dhibaatooyin ay ka mid yihiin ciriiri badan, nadaafad-xumo iyo cunto yaraan.

Britain ayaa cadaadis saartay dowladda madaxweynaha Faransiiska Emmanuel Macron si ay wax badan uga qabato ka hortagga qaxootiga ka tagaya Faransiiska. Masuuliyiinta Faransiiska ayaa kordhiyay roondooyinka si loo joojiyo marinka sharci darada ah ee dadka magangalyo doonka ah uga sii gudbaan kanaalka Ingriiska una soo mara xeebaha Ingiriiska.

Tan iyo bilowgii sanadka, ugu yaraan 1,317 qaxooti ah ayaa booliska Faransiisku qabteen iyagoo isku dayaya inay ka gudbaan mid ka mid ah marinnada ugu mashquulka badan adduunka ee maraakiibta waaweyn ee doonyaha.

Dowladda Ingiriiska ayaa cambaareysay tirada badan ee dadka ku dhigtay marinka inay tahay wax aan la aqbali karin.

Inta badan qaxootiga imanaya Faransiiska, iyo guud ahaan Yurub, waa muwaadiniinta dalalka Bariga Dhexe ee ay ku barakaceen colaadaha, oo ay inta badan kiciyaan dowladaha reer galbeedka.

Somaliska Paris Xigasho/presstv