Wasiirka arrimaha bulshada Lena Hallingren ayaa ku dhawaaqday in xannibaadaha Corona ee hadda jira ay sii jiri doonaan 14ka maalmood ee soo socda. “Haddii xaaladdu ay degto oo aan ka gudubno meesha ugu sarreysa, inta badan xannibaadaha ayaa la qaadi doonaa Febraayo 9,” Hallingren ayaa ku sheegay shir jaraa’id oo ay qabtay goor dhow.

“Waxaan si dhow ula socon doonnaa xaaladda waxaanan eegi doonnaa xannibaadaha iyo xawliga ay ku socdaan,” ayay raacisay. Sida laga soo xigtay SVT.

Wadanku waxa uu diiwaangeliyay in ka badan 270,000 kiis oo la xaqiijiyey in uu ku dhacay corona todobadii maalmood ee la soo dhaafay. Agaasimaha guud ee hay’adda caafimaadka dadweynaha, Karen Wessel, ayaa sheegtay in qiimaynta hay’addu ay tahay in ugu yaraan nus malyuun qof ay cudurkan qaadaan toddobaadkii, iyadoo la filayo in caabuqan uu gaaro meeshii ugu sarreysay toddobaadyada soo socda.

Mutant-ga cusub “Omicron” ayaa xukuma inta badan kiisaska hadda. Xogtu waxay muujineysaa in khatarta ah in ay ku dhacaan calaamado halis ah oo ay sabab u tahay omicron ay aad uga hooseyso tii mutant-kii hore.

“In kasta oo tirada bukaannada u baahan daryeelka degdegga ah ay dejiyeen toddobaadyadii la soo dhaafay, tirada bukaannada corona ee la dhigay isbitaallada guud ahaan way sii kordhayaan,” ayay tiri Wessel.

Danmark waxay ku dhawaaqday inay qaadi doonto inta badan xannibaadaha Corona laga bilaabo horraanta Febraayo, marka laga reebo shuruudaha baaritaanka iyo go’doominta marka la soo galo waddanka.