Dowlada Iiraan oo Sheegtay Inaysan ka Tanaasuleyn tignoolajiyada nukliyeerka ee Dalkeeda kaasi oo Sabab u ahaa Dagaal qaatay Mudo 12 Maalin oo u Dhaxeeya Israel iyo Iran.

Wasiirka arrimaha dibadda Iran Cabbaas ≥Araghchi ayaa sheegay in Tehran ay aad uga go’an tahay in ay sii adkeysato barnaamijkeeda Nukliyeerka kadib weerarkii 12-ka maalmood socday ee Israel.

“Waxaan dadaal badan ku bixinay sidii aan u heli lahayn tignoolajiyadan, saynisyahannadu waxay sameeyeen naf-hurid aad u badan, waxayna xitaa naftooda ku waayeen hadafkan,” Arakchi ayaa u sheegay shabakadda wararka ee Al-Araby al-Jadeed.

“Dadkeennu wuxuu u adkeystay caqabado arrintan ku saabsan, waxaana dagaal lagu soo rogay ummaddeenna arrintan awgeed, waxaa hubaal ah in qof Irani ah uusan ka tanaasuli doonin farsamadan.”