Madaxweynaha Iran Masoud Pezeshkian ayaa sheegay in Maraykanka iyo Yurub ay si fiican u joojin lahaayeen hababka ku saleysan iska horimaadka iyo inay galaan diblomaasiyad si ay u helaan xal “dheelitiran oo cadaalad ah” arrinta Nukliyeerka ee Tehran.

Waxa uu sheegay in falkii gardarada ahaa ee ay Israa’iil iyo Maraykanku ku qaadeen Iran bishii Juun, xilligaas oo Washington ay “munaafiqnimo” kula jirtay wadahadallo Tehraan ah, aysan waxba ka bedelin mowqifkooda.

Madaxweynaha ayaa ka digay in tallaabada Yurub ku doonayso dib u soo celinta ee cunaqabateynta Iran “ay kaliya sii adkeyn doonto xaaladda oo ay horseedi doonto xiisado kale.

Pezeshkian ayaa hadalkan ka sheegay khudbad uu ka jeediyay shir madaxeedka Shanghai Plus ee shalay ka furmay magaalada dekadda leh ee Tianjin ee dalka Shiinaha, kaasi oo la qabtay kadib shirkii 25-aad ee Golaha Madaxda Sare ee Ururka Iskaashiga Shanghai (SCO).