Madaxweynaha Mareykanka Donald Trump ayaa Isniintii mar kale ku celiyay in Mareykanku uu qasab ku yahay inuu hubiyo gacan-ku-haynta Greenland, isaga oo ku sababeeyay arrintan amniga qaranka, sida ay qortay Reuters.

Khudbad uu ka jeediyay Florida Isniintii, Trump wuxuu sheegay in danaha Mareykanka ee jasiiradda aysan inta badan ku salaysnayn macdanta muhiimka ah, balse ay tahay arrin istiraatiiji ah oo lagama maarmaan u ah amniga Mareykanka.

Hadalkaas ayaa yimid maalin kadib markii Trump uu u magacaabay guddoomiyaha Louisiana, Jeff Landry, inuu noqdo ergaygiisa gaarka ah ee Greenland.