Ka bilaabata 1 bishaan Oktober ayaa dadka cusub ee Sweden soo galay sanadkii 2010 waxay xaq u yeesheen in ay isku qaataan lacagta soo dhaweynta iyo mushaarkooda haddii ay shaqo helaan.

Qofka cusub ee shaqo hela ayaa ilaa 6 bilood waxa uu qaadan doonaa lacagtiisii hore ee ahayd (Etableringsersättning) iyo mushaarkiisa oo aan waxba ka dhimanayn. 6 bilood ka dib ayaa lacagta soo dhaweynta waxaa laga dhimayaa inta qofku uu mushaar u qaato.

Arintaan ayaa ah fursad muhiim ah oo ay heleen dadka cusub. Muhiimada laga leeyahay ayaa ah in dadka lagu dhiiri galiyo in ay shaqo raadsadaan. Horay ayay u dhacday in dadka qaar ay ku doodayeen in aysan shaqada wax lacag ah uga siyaadayn balse hada ayay muuqataa faa’iido lacageed oo soo jiidasho leh.