394 muhaajiriin ayaa laga soo badbaadiyay dooni weyn oo alwaax ka sameysan badda Mediterranean -ka taasoo oo bilowday in ay dagto kadib markii ay biyo soo galeen.
Laba markab oo laga leeyahay Jarmalka iyo hay’ad gargaar oo Faransiis ah ayaa muhaajiriinta ka soo qaaday meel 68 kiiloomitir u jirta xeebta Waqooyiga Afrika, sida ay qortay Reuters.
Hawlgalka samatabixinta ayaa la fuliyay habeen ka hor Axaddii.
– Dadkii ka badbaaday ayaa hadda lagu daaweynayaa ‘Ocean Viking’ iyo ‘Sea Watch’ (labada markab ee samatabbixinta, oo casaan ah), ayaa ku wargeliyay ururka gargaarka Faransiiska ee SOS Méditerranée.
Dhowr ka mid ah muhaajiriinta ayaa la arkay iyagoo ka boodaya doontii degtay oo u dabaalanaya dhanka maraakiibta samatabixinta, sida ay goobjoogayaal u sheegeen Reuters.
