Somaliska Stockholm – Barlamaanka Dalka Sweden ayaa dhawaan u codeeyay sharci cusub kaasi oo loogu tala galay in sharciga lagu siinayo dhalaan badan oo iswiidhan iska dhiigay kuwaasi oo la siiyay diidmo.

Dowlada ayaa soo jeedisay hindise dhigaya in 9 kun oo dhalinyaro ah la siiyo sharciga isla markana loo ogolaado fursad ay dalka ku joogaan.

Laanta Socdaalka ee Migrationsverket oo soo dhaweesay go.anka barlamaanka ayaa soo gudbisay sharuudaha qofka doonaya in uu hareesto Codsiga Sharciga Cusub iyo waqtiga uu bilaabanayo.

Bisha Soo socota ee July kowdeeda ayaa ugu horeesa xiliga ugu horeesa ee la xareesanayo sharciga Cusub codsigiisa.

kuwa dhawaad 5 Sharuud ayaa ku xiran si aad u xareesato Codsiga warbaahinta Somaliska ayaa heshay.

1 Codsiga u horeeya ee lagu helayo sharciga daganaanshaha waa in uu qofka laanta socdaalka iska dhiigay November 24, 2015 ama wixii ka horeeyay taasi oo ka dhigan hadaa ka danbeesay kuma quseeyo.

2 Go.anka ceerin waa in dhacay marka qofka uu jiray 18 sano jira ama ka weyn.

3  Go.anka ceerinta waa in uu dhacay 15 bilood ama kadib xiliga uu qofka uu isdiiwaangaliyay lakin ma jiro wax ka danbeeyo 20 July 2016.

4 Qofka waa in uu Sweden ku suganyahay marka uu sameenayo Codsigan Hadii uusan joogan ma xareen karo.

5 Codsiga waa in uu ahaado Waxbarashada oo kaliya ama ula jeedo waxbarasho ee dugsi sare waxana barnaamijyada waxbarashada ku jiri kara nuuc walbo oo sida Barnaamijyo hordhac ah, Barmaajijyada Qaranka, komvux, Waxbarashada Qaaska special education, folk high school iyo waliba Barnaamijyada toobarada Farsamada ee vocational training program.

Guud ahaan Kiisaskan oo dhan waxaa qofka loo balanqaadayaa Sharciga Deganaanshaha lakin qofka waxaa laga hubindoonaa in uu geestay ama ku lugleeyahay falal danbi ah kahor inta uu san helin sharciga.

Fadlan Hoos nagu waydii Su.aalaha.

Somaliska Stockholm