Sida ay qortay wargeyska Dagens Nyheter (DN), adeegyada caafimaadka iyo gaadiidka dadweynaha ayaa heli doona maalgelin dheeraad ah oo dhan 4.5 bilyan oo karoon, marka la barbar dhigo miisaaniyadda sannadka 2026.
Qiimaha kaarka SL oo aan isbeddelayn
Qiimaha kaarka bisha ee SL ayaa 2027 ahaan doona 1,060 karoon, kaas oo ahaa qiimihii jiray ka hor intii aan si ku-meel-gaar ah loo dhimin kala bar, iyadoo la adeegsanayay maalgelin dowladeed.
Dhanka kale, maamulka gaadiidka ayaa bishii Sebtembar codsaday in sanadka 2027 lagu kordhiyo 80,000 safar oo dheeraad ah shabakadda gaadiidka dadweynaha.
Hase yeeshee, miisaaniyadda cusub kuma jirto maalgelin gaar ah oo dheeraad ah oo loogu talagalay iibsashada adeegyo gaadiid oo cusub.
Arrintan ayaa timid iyadoo Xisbiga Deegaanka (Miljöpartiet) uu xilligii ololaha doorashada ballanqaaday inuu hal bilyan oo karoon ku bixin doono kordhinta tirada safarrada gaadiidka dadweynaha.
Wakiilka xisbiga, Jakob Dalunde, ayaa sheegay inuu rajaynayo in maalgelintaas la ballaariyo inta lagu jiro muddada maamulka cusub.
Xigasho: Dagens Nyheter (DN)
