Waxaa hore loo diiwaangeliyay laba dhacdo oo la xaqiijiyay oo lagu beegsaday laba markab oo shidaal sidayaal ah oo ku sugnaa gobolka, taasoo ku soo beegantay iyadoo ay si tartiib tartiib ah uga baxayeen maraakiibta kale aagga isla markaana ay joojiyeen u jihaynta Marinka Hormuz.
Markabka shidaalka qaada ee “MKD Vium” ayaa la sheegay inuu soo gaaray waxyeelo ka dib markii lagu weeraray Gacanka Cumaan, sida ay werisay wakaaladda wararka ee Reuters. Sidaas darteed, markabkan ayaa noqday kii labaad ee maanta lagu beegsado meel u dhow Marinka Hormuz.
Xogaha maraakiibta ee laga helay madasha MarineTraffic ayaa muujinaya in markabkan uu leeyahay lambarka diiwaangelinta (9284386), isla markaana uu ku hoos safro calanka Jasiiradaha Marshall. Sidoo kale, xogtu waxay tilmaamaysaa in calaamaddii ugu dambeysay ee markabka laga helay ay ahayd ku dhowaad laba saacadood ka hor, isagoo ku sugan Gacanka Cumaan.
Sida ku cad xogtaas, markabku wuxuu ka amba baxay dekedda Emden ee dalka Jarmalka 8-da Febraayo 2026, waxaana la filayay inuu gaaro dekedda Ras Tanura ee Sacuudi Carabiya 3-da Maarso ee bishan.
