Lataliyaha Gobolka ee Epidemiology Andush Tegnell ayaa xaqiijiyey baahida loo qabo in la bilaabo ololeyaal warbaahineed oo ku saabsan tallaalka Corona ee lagu bartilmaameedsanayo kuwa ku dhasha meel ka baxsan Iswiidhan, taas oo muujinaysa in Hay’adda Caafimaadka Dadweynaha ay ka fiirsaneyso inay bilowdo ololahan.

“Waa muhiim in dhamaan bulshada qeybaheeda kala duwan ay kaqeyb qaataan talaalka, si looga fogaado halista ah inuu deegaanka ka dillaaco cudurka,” Tegnell ayaa ku yiri hadal uu siiyay maanta Radio Ecot. Sidaa darteed, olole macluumaad gaar ah oo loogu talagalay kuwa ku dhashay dibedda ayaa loo baahan karaa. ”

Azada Karami, oo ah farmashiiste ku daabacda macluumaad cilmiyaysan oo ku saabsan talaalada baraha bulshada ee luqada Beershiya, ayaa tilmaamaysa khaladaad badan iyo fikrado khaldan oo ku saabsan talaalka oo lagu faafiyay dhowr luqadood oo lagu faafiyo baraha bulshada, iyadoo ku nuuxnuuxsaneysa ahmiyada ay leeyihiin masuuliyiinta caafimaadka inay ku saxaan macluumaadkan luuqado kala duwan

Tegnell wuxuu tilmaamay in aysan jirin macluumaad tirakoob oo ku saabsan kaqeybgalka dadka dibadaha ku dhashay talaalada, laakiin wuxuu tilmaamay kaqeybgal yar oo kooxaha qaar ay kujiraan ololihii talaalka ee hore sida talaalka kahortaga ifilada doofaarka, taas oo cadeyneysa muhiimada ay leedahay ololeyaasha warbaahinta ee lagu wajahayo