Gobolka Norrbotten ayaa ka war helay warqad been abuur ah oo loo diray dadka ku nool Luleå.

Warqadda, oo lagu cadeeyay inay ka timid FHM, ayaa sheegaysa in qofku uu ku dhacay cudurka loo yaqaan ‘covid-19’ oo ay tahay inuu joogo guriga.

– Ha raacin tilmaamaha ku qoran warqadda laakiin taa baddalkeeda samee warbixin booliis, sida uu sheegay madaxa amniga Rickard Stewén.

Jimcihii, Gobolka Norrbotten wuxuu digniin u diray dadka deggan. Digniintu waxay khuseysaa warqad been abuur ah oo qof jooga Luleå uu helay. Warqaddu waxay sheegaysaa in qofka loo soo diray uu la kulmay infekshinka loo yaqaan ‘covid-19’ iyo in “uu guriga joogo oo uusan ka bixin albaabka” inta uu ka sugayo Hay’adda Caafimaadka Dadweynaha inay la xiriirto “wixii macluumaad dheeraad ah”

Laakiin warqad noocan oo kale ah weligeed lagama soo dirin wakaaladda caafimaadka bulshada.

– Waxaannu la xidhiidhnay Hay’adda Caafimaadka Dadweynaha, innaguna sidoo kale innagu ma qabanno raadinta infekshinka. Markii aad si taxaddar leh u akhrido, waxaad ka fahmaysaa luuqadda iyo qaabeynta inay ka kooban tahay, ayuu yidhi Rickard Stewén, madaxa amniga ee Gobolka Norrbotten.

Gobolka ayaa sheegay in ay u qaateen warqada “si aad u culus” waxayna ku boorinayaan qof walba oo la soo diro boosta la mid ah in uu ku wargaliyo booliska.