Home Wararka Maanta Somaliska Sharci Cusub oo lagu soo rogay Dadka Dalbanaya Visa Dalka Mareykanka lagu...

Sharci Cusub oo lagu soo rogay Dadka Dalbanaya Visa Dalka Mareykanka lagu galo

0

Dadka dalbanaya fiisaha ama dal ku galka Mareykanka ayuu sharcigan cusub dhigayaa inay soo gudbiyaan faah-faahinta ay baraha bulshada ku isticmaalaan.

Waaxda sharciyada Mareykanka ayaa sheegtay inay dadka soo gudbiyaan magacyada ay baraha bulshada ku isticmaalaan iyo email adress-yadooda oo ilaa muddo shan sanadood ah shaqeynayay iyo sidoo kale telefoon nambaradooda.

Sharcigan oo sanadkii hore la soo saaray balse hadda dhaqan galaya ayay maamulku sheegeen in uu saameyn ku yeelan doonto 14.7 million oo qof sannadkiiba, balse sharcigan cusub ayaan saameyn doonin saraakiisha iyo diblomaasiyiinta Mareykanka u safraya.

“Waxaan mar kasta ka shaqeeyn doonnaa hababkii lagu hormarin lahaa geedi socodka baaritaanadeena, kuwaasoo an ku difaaceyno muwaadiniinteena,” ayay waaxda sheegtay.

Markii hore waxa baaritaanka noocaan ahi mari jiray dadka laga shakiyo oo baaritaan dheeraad u baahda, kuwaasoo ka yimaada waddamada ay ururada argagixisada saameynta ku leeyihiin balse haatan qof kasta oo dalbada dal ku galka Mareykanka ayuu sharcigan yaabka leh qabanayaa.

Info@somaliska.com

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.