Dowlada cusub maxay ka badali doontaa arimaha Socdaalka?

2
SHARE

Dowlada cusub ee Sweden oo ay si wadajir ah u soo dhisayaan xisbiyada Socialdemokraterna (S) iyo Miljöpartiet (MP) ayaa bilowday in ay soo bandhigto qoryaasheeda cusub. Wargeyska DN ayaa saakay qoray in xulufada dowlada cusub ay isku raaceen in aan waxba laga badalin arimaha socdaalka.

Xisbiga MP ayaa ka dhaadhiciyay xisbiga Socialdemorkaterna in ay aqbalaan heshiiskii ay MP horey ula galeen dowladii hore, kaasoo ka dambeeyay in Soomaalida lala mideeyo caruurtooda oo DNA laga qaado. Heshiiskaas ayaa Miljöpartiet iyo Alliansen wada gaareen sanadkii 2012. Dowlada cusub ayaan waxba ka badali doonin heshiiskaas.

Jimcadii hore ayaa musharaxa raysal wasaaraha Stefan Löfven uu sheegay in uu dowlada cusub la dhisayo xisbiga Miljöpartiet iyadoo wasiirada cusub la soo magacaabayo maalinta jimcaha.

Maria Ferm oo horay xisbiga Miljöpartiet u qaabilsanayd arimaha Socdaalka isla markaana ahayd qofkii heshiiska la galay dowladii hore, ayaa ka dambaysa heshiiska cusub ee Miljöpartiet iyo Socialdemokraterna ay wada gaareen. Maria ayaa hada loo doortay in ay noqoto hogaamiyaha kooxda Miljöpartiet u fadhida baarlamaanka.

Sidee u aragtaa Fadlan Hoos ku reeb Fakarkaga Qodobkan

LEAVE A REPLY

Please enter your comment!
Please enter your name here