Soomaalida oo ugu badan magangalyo doonka cusub

9
SHARE

Tirada magangalyo doonka iska dhiibay Sweden qeybtii hore ee sanadkaan ayaa cirka isku shareertay iyadoo Soomaalidu ay noqdeen dadka ugu badan ee iska dhiibay Sweden. 16,335 qof ayaa iska dhiibay Sweden qeybtii hore ee sanadka iyadoo 2,507 ka mid ah dadkaas ay yihiin Soomaali.

Marka loo barbar dhigo sanadkii la soo dhaafay ayaa tirada Soomaalida cusub ee magangalyo doonka ah waxay siyaasaday 58% taasoo ka dhigaysa dadka ugu badan ee hada Sweden iska dhiibaya. Arintaan ayaan dhicin ilaa sanadkii 2010 xiligaas oo Soomaalidu ugu badnaayeen magan galyo doonka, ka hor intii aan la joojin mideynta qoysaska Soomaalida. Laanta Socdaalka ayaa sheegtay in qulqulka cusub ee Soomaalida ay sabab u tahay dib u furida mideynta qoysaska.

Dadka labaad ee ugu badan ee Sweden iska dhiibay sanadkaan ayaa waxay yihiin Afghanistan iyagoo sanadkii hore ahaa kowaaad. Sidoo kale waxaa 4 jibaarmay dadka ka soo jeeda Siiriya ee magan galyo doonka ah taasoo ay sabab u tahay colaada wadankaasi ka taagan.

Iyadoo hada ay bilaabatay soo qaadista Soomaalida lala mideynayo reerahooda ayaa waxaa dhibaato noqon doonta haddii dadkii la keenay ay isdhiibaan taasoo la dhihi karo waxay ka mid ahayd sababihii markii hore loo joojiyay Soomaalida.

Sidee u aragtaa Fadlan Hoos ku reeb Fakarkaga Qodobkan

LEAVE A REPLY

Please enter your comment!
Please enter your name here