Home Wararka Maanta Somaliska Mareykanka oo bilaabay Qab-qabashada Dadka Sharci darada ku jooga Dalkiisa

Mareykanka oo bilaabay Qab-qabashada Dadka Sharci darada ku jooga Dalkiisa

0

Olole lagu baadi goobayo dadka magangalyo doonka ah ee sharci darrada ku jooga gudaha dalkan maraykanka ayaa laga bilaabay gobolada dalkan oo dhan Axaddii shalay.

In ka badan 2,000 oo qof oo sharci darro ah ayaa ololahan lagu beegsanayaa kuwaasi oo la filayo in la mastaafuriyo.

Ku simaha madaxa hey’adda socdaalka iyo ilaalada xuduudaha ee  Maraykanka Matt Albence ayaa sheegay in ay beegsanayaan shaqsiyaad gaar  ah oo maxkamadaha ku lahaa balamo la xiriira codsigooda magan galyo  doon, kuwaasi oo qaadiyadda maxkamadaha ee arimaha soo galootigu ay  diideen kiiskooda.

Matt Albence, ma uusan bixin wax faahfaahin ah oo ku saabsan  dadkaa la soo qabqabanayo iyo sidoo kale tirada dadka ay soo qabteen ilaa hadda.

Waxaa kor u sii kacday cabsida ay qabaan dadka soo galootiga ah ee ku  nool magaalooyinka waaweyn ee Mareykanka, kuwaasi oo ay askartu xoog ku  galeyso albaabadooda xaafadaha ay ku noolyihiin.

Info@somaliska.com

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.