Laanta Socdaalka oo ka warbixinaysa Soomaalida iyo sababaha ay u yimaadaan Sweden

15

Barnaamij cusub oo ay bilowday Laanta Socdaalka Sweden (Migrationsverket) ayaa lagu soo bandhigayaa wadamada iska dhiiba Sweden iyo sababaha ka dambeeya in ay halkaan yimaadan. Barnaamijkaan ayaa lagu bilaabay macluumaad dheer oo looga hadlayo Soomaalida iyo sida ay ku yimaadeen Sweden.

Macluumaadka ayaa lagu bilaabay taariikh ku saabsan Soomaaliya iyo qilaafaadka ka jira. Waxaa laga waramay shacabka Soomaalida, qabiilada iyo diintooda. Waxaa sidoo kale warbixinta lagu faahfaahiyay qabiilada laga tirada badanyahay iyo taariikhda siyaasada Soomaaliya hada iyo hore.

Mar laga jawaabayay suaasha ah Maxay Soomaalidu isaga dhiibaan Sweden? ayaa jawaab looga dhigay hadalada ay Soomaalidu yiraahdaan marka ay isdhiibaan. Waxaa lagu sheegay in inta badan ay sheegtaan in ay ka soo carareen Al-shabaab ama ay ka tirsanyihiin beelaha laga tirada badanyahay. Dumarka ayaa la sheegay in ay inta badan sheegtaan dhibaato lagula kacay sida kufsiga iyo jirdilka. Soomaali badan ayaa iyaguna caruur isku dhiiba ayaa warbixinta lagu yiri.

Warbixinta ayaa sidoo kale lagu soo bandhigay qeyb loogu magacdaray “Soomaalida Sweden” halkaasoo lagu faaleeyay tirada Soomaalida wadankaan ku dhaqan hada iyo xiligii hore. Intii u dhaxeysay 2000-2010 ayaa warbixinta lagu sheegay in 25500 soomaali ah ay iska dhiibeen Sweden. Sanadkii 2000 ayaa waxaa Sweden iska dhiibtay 260 qof oo keliya halka 2001 ay iska dhiibeen 525 qof. Isbedalka ugu weyn ayaa dhacay sanadkii 2007 xiligaas oo ay Soomaali gaareysa 3349 qof iska dhiibeen Sweden iyadoo tiradii ugu badneyn ay iska dhiibeen sanadkii 2010 oo gaareysa 5553 qof.

Soomaali badan ayaa sidoo kale waxay dacwad u dalbeen reerahooda ayaa warbixinta lagu yiri. Warbixinta ayaa lagu sheegay in sanadkii 2010 ay Soomaalida aan dhalasahda Sweden lahayn gaarayeen 30800 halka sanadkii 2000-2010 ay dhalashada Sweden qaateen 1400o qof.

Ugu dambeyntii ayaa warbixinta lagu soo gabagabeeyay in maanta Soomaalida intooda badan aysan suurto gal u ahayn in lala mideeyo reerahooda maadama aysan cadeyn karin aqoonsigooda balse heshiiskii ay gaareen dowlada iyo xisbiga deegaanka ayaa xalin doona arintaas sanadka 2012.

AD

LEAVE A REPLY

Please enter your comment!
Please enter your name here